Lluvia d’agostu

15,90€

El 20 de payares de 1936 morría un home y nacía un mitu. Buenaventura Durruti, el mecánicu, el pistoleru anarquista, l’ espropiador de bancos, el cenetista carismáticu, el milicianu de la Barcelona antifascista.

Mediu sieglu dempués, una periodista francesa enfótase n’ esclariar el misteriu de la muerte del revolucionariu llexendariu n’ aquel Madrid que-y negaba’ l pasu al avance fascista. Nesta investigación vamos ser testigos del primer gran atracu a mano armada nel Estáu español, el del Bancu d’España en Xixón, vamos siguir los pasos clandestinos de Durruti y los sos compañeros Ascaso y Jover per América Llatina, vamos acompañalos al esiliu francés pa prepa- rar la insurrección y vamos empobinar pa Zaragoza cola Columna Durruti llueu de parar el golpe militar en Cataluña. Una búsqueda que va llevar a la periodista a topase coles pantasmes de la so propia historia familiar.

Dempués d’ una fondera documentación historiográfica, Francisco Álvarez recrea con maestría los ambientes de la época, evoca brillantemente a los sos protagonistes, y devuelve a la vida, baxo la lluvia fino d’ agostu, al iconu d’ aquella revolución llibertaria que duró un branu enforma curtiu.

Precio sin IVA: 15,29 €


PVP: 15,90  €


228 páginas

EAN: 978-84-16537-10-5 | IBIC: FA

Código: #01A. Categoría: . Etiqueta: .

05/04/16 OVIEDO.PACO ALVAREZ ESCRITOR.FOTO:PABLO LORENZANA..................

Francisco Álvarez González

(Xixón, 1970) ye periodista, traductor lliterariu y autor de les obres Patiu de prisión (VTP, 1998), En poques pallabres (Trabe, 1998), Dixebra, cróniques d’un pueblu (L’Aguañaz, 2003), Historia de cinco goles. El Mundial de ‘El Guaje’ (La Cruz de Grado, 2010), Rumbo a la Historia. Navíos emblemáticos de todos los tiempos (Seronda, 2011), La tierra de la libertad. Crónica de los derechos humanos y civiles en el mundo (Seronda, 2012) y Un país llamáu Dixebra. La historia y les lletres de la banda decana del rock n’asturianu (Seronda, 2013).

Tornó al asturianu la novela de Leonardo Sciascia Una historia cenciella (Seronda, 2012), y ye’l traductor al castellán d’autores italianos como Carlo Mazza, Amara Lakhous (Choque de civilizaciones por un ascensor en Piazza Vittorio, Hoja de Lata, 2016), Alberto Prunetii (Amianto, Hoja de Lata, 2020) Marcello Fois (entre otres, Memoria del vacío, Hoja de Lata, 2014, Premiu al Meyor Llibru Italianu Espublizáu n’España esi añu, y Estirpe, Hoja de Lata, 2016, Premiu Llibreter 2017).

Ganó dos vegaes el Premiu Xosefa Xovellanos, el más importante de les lletres asturianes. Cola so primer novela Lluvia d’agostu (Hoja de Lata, 2016) llevó los premios Xosefa Xovellanos y de la Crítica d’Asturies. Pasaxeres de la nueche (Hoja de Lata, 2019) recueye la so meyor narrativa curtia.

Prensa